Sorbulaqtyń sýyn aǵash ósirýge qoldanýǵa bolady - Almaty oblysy
ALMATY. 20 naýryz. QazAqparat - El aýmaǵynyń 4 paıyzyn ǵana quraıtyn orman alqabyn ulǵaıtýda Sorbulaqtyń sýyn paıdalaný kerek.
«Gúlzar» qoǵamdyq birlestigi men respýblıkalyq «Gúlstan» jýrnalynyń quryltaıshy-dırektory Gózel Quljabaevanyń aıtýynsha, onda jyldam ósetin aǵash túrlerin ósirýge barlyq múmkindik bar.
«Qytaılar káriz sýymen alma baǵyn sýǵarady eken. Al biz ony qurylys pen jıhaz óndirisine qajetti materıaldar alýǵa bolatyn aǵash túrlerin ósirýge paıdalanýymyzǵa bolady ǵoı. Bul úshin eldi meken turǵyndaryna 1-2 jylǵa úkimet tarapynan sýbsıdııa berilse jetkilikti. Shyqqan shyǵyn birneshe jylda óz qunyn tolyq aqtap, aýdan bıýdjetine qosymsha kiris kirgizýge de múmkindik týady», - deıdi G. Quljabaeva.
