Sorbulaqta ekinshi adamnyń máıiti tabyldy
ASTANA. KAZINFORM - EC-145 tikushaǵy qulaǵan aımaqta izdestirý-qutqarý is-sharalarynyń jalǵasýy barysynda ekinshi adamnyń denesi tabylyp, sýdan shyǵaryldy, dep habarlady búgin QR Qorǵanys mınıstrliginiń bapasóz qyzmeti.
Qazirgi ýaqytta quzyretti organdardyń qatysýymen anyqtaý rásimi júrgizilip jatyr. Esterińizge sala ketsek, izdeý jumystary Qorǵanys mınıstrliginiń, TJM, ІІM jáne basqa da vedomstvolardyń barlyq qajetti kúsh-quraldaryn jumyldyra otyryp, táýlik boıy iske asyrylýda.
Aıta keteıik, 25 shildede Almaty oblysynda josparly ushý barysynda Qarýly kúshteri Áýe qorǵanysy kúshteriniń EC-145 tikushaǵy radardan joǵalyp ketken.
Bir kúnnen keıin joǵalǵan tikushaqtyń bólshekteri tabylǵany belgili boldy.
Keshe, sarbazdar shamamen 14 metr tereńdikte áýe kemesiniń ishinara synyqtary men bir adamnyń máıitin anyqtady.
