Sora ósirip sorlady

QYZYLORDA. QazAqparat - Jalaǵash aýdany aýmaǵynda 680 túp sora ósimdigin ósirgen Qyzylorda qalasynyń 33 jastaǵy turǵyny qolǵa tústi, dep habarlaıdy QazAqparat tilshisi.

Oblys kóleminde júrgizilgen «Kóknár-2019» jedel-profılaktıkalyq sharasy barysynda Jalaǵash aýdanynyń aýmaǵyndaǵy «Narólgen» aýmaǵynan esirtki alqaby tabyldy. Onda zańmen tyıym salynǵan 680 túp sora ósimdigi bar ekeni naqtylandy. Onyń jalpy salmaǵy 187 keli bolǵan.

«Ony ekken Qyzylorda qalasynyń 1986 jylǵy turǵyny ustaldy. Atalǵan derek boıynsha QR Qylmystyq kodeksiniń300-babynyń 2-bóliginiń 3-tarmaǵymen sotqa deıingi tergep-tekserý amaldary júrgizilýde. Ustalǵan azamat ýaqytsha ustaý abaqtysyna qamaldy», - dep málim etti Qyzylorda oblysy Polıtsııa departamentiniń baspasóz qyzmeti.

Esterińizge sala ketelik, budan buryn Aralda sora egilgen alqap tabylǵanyn habarlaǵan edik .