Sora egemin dep sorlap qaldy - Qyzylorda oblysy
QYZYLORDA. QazAqparat - Qyzylorda oblysy Jańaqorǵan aýdandyq sotynda esirtki zatyn ósirgen sottalýshynyń isi qaraldy. Sot úkimimen sottalýshy kináli dep tanylyp, 5 jyl bas bostandyǵynan aıyryldy. Ol jazasyn túzeý kolonııasynyń jalpy rejiminde óteıdi, dep habarlaıdy aýdandyq sottyń baspasóz qyzmeti.
Sottalýshy J. aýmaǵy 12h15 m bolatyn alqapqa zańsyz ósirýge tyıym salynǵan, quramynda esirtki zattary bar 409 túp sora ósimdikter egip, keptirilmegen 5450,0 gramm marıhýana saqtaǵan.
Sondaı-aq, sottalýshy J-ǵa nashaqorlyqtan eriksiz emdeý sharasy qoldanylady. Úkim zańdy kúshine enbegen.
