Sooronbaı Jeenbekov Qyrǵyzstannyń premeri boldy
BІShKEK. QazAqparat - Qyrǵyz Respýblıkasy premer-mınıstriniń mindetin atqarýshy Sooronbaı Jeenbekov jańa koalıtsııalyq úkimet quramynda óz oryntaǵyn saqtaıdy jáne osylaısha eldiń 28-shi premer-mınıstri atanady, dep habarlady Bishkekten «QazAqparat» HAA menshikti tilshisi.
Depýtattar jańa mınıstrler kabınetiniń quramyn bekitkennen keıin Jeenbekov depýtattarǵa senim bildirgeni úshin alǵys bildirdi jáne barlyq eskertýler men usynystardy eskerýge ýáde berdi. «Ekinshi ret meniń kandıdatýramdy qoldap otyrǵandaryńyzǵa alǵys bildiremin, úkimettiń baǵdarlamasy boıynsha barlyq usynystaryńyz ben eskertýlerińizdi eskerýge ýáde beremin», - dep atap ótti ol.
Jeenbekov óziniń komandasy parlamenttiń senimin aqtaýǵa tyrysatynyn aıtty.
Eske salsaq, QSDP, «Ata Meken», «Onýgýý-Progress», «Qyrǵyzstan» fraktsııalary kiretin kópshilik kaolıtsııasy qulaǵannan keıin QR Prezıdentiniń jarlyǵymen úkimet otstavkaǵa jiberilgen bolatyn Parlamentte QSDP, «Bır Bol», «Qyrǵyzstan» fraktsııalary kiretin jańa kaolıtsııa quryldy. Búgin parlament premer-mınıstr S. Jeenbekovtiń basshylyǵymen QR úkimetiniń jańa quramyn bekitti. Jeenbekov úkimetiniń burynǵy quramy 2016 jylǵy 13 sáýirde bekitildi jáne nebary 7 aı jumys istedi.
