Sooronbaı Jeenbekov el parlamentine úkimetti bekitý týraly qaýlyny qaıtardy
BІShKEK. KABAR – QazAqparat – Qyrǵyzstan Prezıdenti Sooronbaı Jeenbekov eldiń Jogorký Keneshine baǵdarlamany bekitý, qurylymdy jáne respýblıka úkimetiniń quramyn anyqtaý týraly qaýlyny qaıtardy. Bul týraly QR Prezıdent apparatynyń aqparattyq saıasat bólimi málim etti, dep habarlaıdy QazAqparat Kabar agenttigine silteme jasap.
Jogorký Kenesh qaýlysynyń kóshirmeleri prezıdent apparatyna 2020 jyldyń 12 qazanynda kelip túsken.
QR Konstıtýtsııasynyń 84-baby 5-tarmaǵyna sáıkes prezıdent úsh kún ishinde premer-mınıstr men úkimettiń basqa da múshelerin taǵaıyndaý týraly jarlyq shyǵarady.
Aıta keteıik, Jogorký Keneshtiń bul sheshimi qoǵam arasynda qyzý talqyǵa túsip, qabyldanǵan sheshimniń zańdy ekendigine kúmán keltirýshiler kóp.
Konstıtýtsııanyń 77-baby 4-tarmaǵyna sáıkes Jogorký Kenesh depýtattarynyń jartysynan kóbi qatysqan jaǵdaıda Jogorký Kenesh otyrysy zańdy dep esepteledi.
«Jogorký Keneshtiń reglamenti týraly» Zańnyń 82-babyna sáıkes Jogorký Keneshtiń jáne onyń organdarynyń otyrystary kvorým bolǵan kezde zańdy, al qabyldanǵan sheshimder – zańdy kúshi bar dep esepteledi. Jogorký Kenesh, komıtetter, komıssııa otyrystarynyń kvorýmy Jogorký Kenesh depýtattary, komıtetter, komıssııalar músheleriniń jalpy sanynyń kóp bóligi qatysqanyn bildiredi.
QR «Jogorký Kenesh reglamenti týraly» Zańynyń 1-babyna sáıkes, depýtattar otyrysyna qatysyp otyrǵandar retinde jınalys zalynda bar jáne daýys berý aldynda tirkelgen depýtattar esepteledi.
ıAǵnı, 61 depýtat bolǵan kezde kvorým da bolady. Senimhat berý – daýys berýge múmkindik bergenimen, kvorýmdy qurýǵa kepil bola almaıdy.
Qolda bar aqparat boıynsha 2020 jyldyń 10 qazanyndaǵy Jogorký Keneshtiń kezekten tys otyrysyna 51 depýtattyń qatysqany jáne 10 depýtattyń senimhat bergeni resmı túrde habarlandy.
Osylaısha, kvorým bolǵan joq, al kvorýmsyz qabyldanǵan sheshimder zańsyz ári zańdy kúshi joq dep esepteledi.
Osyǵan baılanysty, Qyrǵyz prezıdentiniń apparaty usynǵan qujattardy parlamentke qaıtardy.
Eske salsaq, 4 qazan kúni Qyrǵyzstanda Jogorký Keneshke depýtattardy saılaý ótti. Depýtattyq mandatqa 16 partııa úmitkerlik etti. Daýys berýdiń aldyn ala málimeti boıynshy, 7% mejeni 4 partııa eńserdi.Al, 5 qazan kúni saılaý nátıjesine kóńili tolmaǵan bir top adam ortalyq alańda mıtıng uıymdastyryp, odan keıin Aq úıge bettedi. Olardy tarqatý úshin mılıtsııa kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boıynsha, aýrýhanaǵa zardap shekken 16 adam jetkizilgen. Keıingi málimet boıynsha, zardap shekken adamdar sany 911-ge jetti.
Eldiń Іshki ister mınıstrligi mıtıngti uıymdastyrýshylar men partııa basshylaryn óz jaqtastaryn úılerine qaıtarýǵa shaqyrdy.
Sonymen qatar, Qyrǵyzstan prezıdenti Sooronbaı Jeenbekov Bishkek qalasynyń aýmaǵynda tótenshe jaǵdaı rejımin qaıtadan engizý týraly Jarlyqqa qol qoıdy.
