Sonıa Jıenbaeva Portýgalııadaǵy jarystyń shırek fınalyna ótti
ASTANA. KAZINFORM — Qazaqstandyq tennısshi, 20 jastaǵy Sonıa Jıenbaeva juptyq synda Koroıos-Seıshal (Portýgalııa) ITF W50 týrnırin sátti bastady.
Qytaılyq Han Shımen birge jarystyń 4-raketkasy bolyp tirkelgen qazaqstandyq sportshy alǵashqy aınalymda chehııalyq Gabrıela Knýtson — amerıkalyq Gabrıela Vılardyń mysyn basty.
Kezdesý 6:2, 6:1 esebimen qazaqstandyq-qytaılyq juptyń paıdasyna sheshildi.
Báseke 50 mınýtta aıaqtaldy.
Sonıa Jıenbaeva — Han Shı jartylaı fınalǵa shyǵý úshin aýstralııalyqtar Ella Sımmons — Emı Stıvenspen talasady.
S.Jıenbaeva atalmysh dodada jekeleı synda da óner kórsetedi.
Eske sala keteıik, budan buryn Ýımbldon týrnırinde Damır Jalǵasbaıdyń jeńisti jolyn juptyq synda jalǵastyrǵanyn jazǵan edik.
Ýımbldon týrnırinde qarsylasyn oısyrata utqan Zańǵar Nurlanuly úshinshi aınalymǵa shyqty.
