Sonıa Jıenbaeva Portýgalııadaǵy týrnırdiń shırek fınalyna joldama aldy
ASTANA. KAZINFORM — Qazaqstandyq tennısshi, 19 jastaǵy Sonıa Jıenbaeva juptyq synda Elvas (Portýgalııa) ITF W50 týrnırin jeńispen bastady.
Qazaqstandyq sportshy lıtvalyq Iveta Dapkýtemen birge alǵashqy aınalymda portýgalııalyq Marııa Garsııa — amerıkalyq Dı Djeı Bennetke qarsy keldi.
Birinshi partııada portýgalııalyq-amerıkalyq dýet 6:3 esebimen basymdylyq tanytty. Degenmen budan keıin S. Jıenbaeva — I.Dapkýte oıyn tizginin qolyna alyp, kambek jasaı bildi — 6:2, 10:6.
Báseke saǵat jarymǵa jýyq ýaqytqa sozyldy.
Sonıa Jıenbaeva — Iveta Dapkýte jartylaı fınalǵa shyǵý úshin jarystyń 3-raketkalary, slovakııalyq Katarına Kýzmova — nıderlandylyq Stefanı Djýdıt Vısshermen talasady.
Bıyl sáýirde Bıllı Djın Kıng kýbogy aıasynda Kanadamen irikteý matchynda Qazaqstan quramasy sapynda alǵashqy oıynyn ótkizgen S. Jıenbaeva jekeleı synda WTA reıtıngisinde 755-orynda tur. Al juptyq synda keshe jańartylǵan reıtıngide 700-den birden 606-satyǵa kóterildi.
Eske sala keteıik, budan buryn Ýımbldon týrnıriniń qazaqstandyq tennısshiler úshin sátsiz bastalǵanyn jazǵan edik.
