18:43, 11 Tamyz 2024 | GMT +6
Sonıa Jıenbaeva Óskemendegi ITF týrnıriniń fınalyna deıin jetti
ÓSKEMEN. KAZINFORM — Óskemen qalasynda áıelder arasynda ITF W15 týrnıri máresine jetti.
Atalmysh jarysta 18 jastaǵy qazaqstandyq tennısshi, dúnıejúzilik reıtıngide 824-oryndaǵy Sonıa Jıenbaeva tabysty óner kórsetti.
S.Jıenbaeva fınalǵa deıin qarsylastarynyń bárin qapy qaldyryp, súrinbeı jetti. Tek sońǵy básekede ǵana álemniń 768-raketkasy, reseılik Alısa Kıýmmelge ǵana tartysty matchta ese jiberdi – 6:7 (1:6), 3:6. Fınaldyq oıyn 1 saǵat 44 mınýtqa sozyldy.
Sonıa Jıenbaeva qazirgi kezde WTA Live reıtıngisinde 818-orynǵa kóterilip tur.
Eske sala keteıik, budan buryn Rybakına men Pýtıntsevanyń AQSh-taǵy Tsıntsınnatı týrnırinde baq synaıtynyn jazǵan bolatynbyz.
