Sonıa Jıenbaeva Qytaıdaǵy týrnırde chempıondyq ataq úshin talasady
ASTANA. KAZINFORM — Qazaqstandyq tennısshi, 19 jastaǵy Sonıa Jıenbaeva juptyq synda Chjenchjoý (Qytaı) ITF W35 týrnıriniń fınalyna shyqty.
Qazaqstandyq tennısshi reseılik Ekaterına ıAshınamen birge shırek fınalda jarystyń úshinshi raketkalary bolyp tirkelgen ındonezııalyq Prıska Nýgroho – qytaılyq Van Tszıatsımen tartysty kezdesý ótkizdi.
Birinshi partııa ındonezııalyq-qytaılyq dýettiń enshisine jazyldy – 6:4. Degenmen budan keıin oıyn tizginin qolyna alǵan Sonıa men Ekaterına kambek jasaı bildi – 7:5, 12:10.
S.Jıenbaeva men E.ıAshına búgin sondaı-aq jartylaı fınalda qytaılyq ıÝfeı Ren - japonııalyq Rınko Matsýdaǵa qarsy keldi. Bul báseke bir saǵattan sál astam ýaqytqa sozylyp, Jıenbaeva men ıAshınanyń jeńisimen aıaqtaldy – 6:2, 6:4.
Osylaısha, qazaqstandyq-reseılik jup bir kúnde eki matchty jeńispen túıindedi.
Erteń Sonıa Jıenbaeva men Ekaterına ıAshına dodanyń birinshi raketkalary, qytaılyqtar ıÝıtszıa Hýan - Ýshýan Chjenmen chempıondyq ataqty sarapqa salady.
Eske sala keteıik, budan buryn Grıgorıı Lomakınniń Qytaıdaǵy týrnırdiń fınalyna joldama alǵanyn jazǵan edik.
