Sonıa Jıenbaeva Ispanııadaǵy týrnırde qarsylasyn aıqyn basymdylyqpen jeńdi
ASTANA. KAZINFORM — Qazaqstan ulttyq quramasynyń múshesi, álemniń 738-raketkasy, 20 jastaǵy Sonıa Jıenbaeva Orense (Ispanııa) ITF W75 týrnıriniń ekinshi aınalymyna shyqty.
Qazaqstandyq sportshy alǵashqy aınalymda álemniń 505-raketkasy, Belarýs ókili Anna Kýbarevanyń mysyn basty.
Birinshi partııa 7:5 esebimen aıaqtalsa, ekinshi sette Sonıa Jıenbaeva aıqyn basymdylyq kórsetti — 6:1.
Báseke 1 saǵat 20 mınýtqa sozyldy.
Sonıa Jıenbaeva shırek fınalǵa shyǵý úshin álemniń 272-inshi, osy jarystyń 6-raketkasy, marokkolyq ıAsnım Kabbadjben sheberlik talastyrady.
Qazaqstandyq tennısshi qazirgi kezde WTA Live reıtıngisinde 715-orynǵa kóterilip tur.
S.Jıenbaeva keshe juptyq synda da sátti oınap, reseılik Ekaterına ıAshınamen birge shırek fınalǵa ótken bolatyn.
Eske sala keteıik, budan buryn Jibek Qulambaevanyń Ispanııadaǵy týrnırde top jarǵanyn jazǵan edik.
Sondaı-aq Sonıa Jıenbaeva Ispanııadaǵy týrnırdiń shırek fınalyna joldama aldy.
