Sonıa Jıenbaeva álemdik reıtıngide 26 satyǵa joǵarylady
ASTANA. KAZINFORM — Qazaqstandyq tennısshilerdiń jańartylǵan álemdik reıtıngidegi orny belgili boldy.
Áıelder tennısi qaýymdastyǵy (WTA) reıtıngisinde Qazaqstannyń birinshi raketkasy Elena Rybakına ekinshi ornyn saqtap qaldy.
Ýımbldon týrnırinen keıin kósh basyndaǵy belorýssııalyq Arına Sobolenkonyń enshisinde 8 550 upaı bolsa, E.Rybakına (8 143 upaı) oǵan birtaban jaqyndady.
Amerıkalyq Djessıka Pegýla úzdik úshtikke ense, bıyl Ýımbldonda chempıondyq ataǵyn qorǵaı almaǵan Polsha ókili Iga Shventek 3-ten 8-orynǵa syrǵydy.
Ýımbldonda úzdik shyqqan chehııalyq Lında Noskova 12-den 7-ge kóterildi. Qazaqstandyqtardan ıÝlııa Pýtıntseva 84-ten 82-ge, 664-ten 663-ke aýysty.
Erekshe serpilis jasaǵan 20 jastaǵy Sonıa Jıenbaeva 755-ten birden 26 satyǵa joǵarylady. Qazir ol 729-orynda tur. Kásibı tennısshiler qaýymdastyǵy (ATP) reıtıngisinde Aleksandr Býblık 11-ornynda qalsa, Aleksandr Shevchenko 99-dan 100-ge yǵysty. Qazaqstannyń úshinshi raketkasy Tımofeı Skatov 172-den 163-ke joǵarylady.
Eske sala keteıik, budan buryn Tımofeı Skatovtyń Shveıtsarııadaǵy jarystyń negizgi kezeńine ótkenin jazǵan edik.
