Sony avtorlyq quqyqty saqtaý úshin mýzykanttarǵa jańa tehnologııa usyndy
ASTANA. KAZINFORM — Sony Group Corp. jasandy ıntellekt kómegimen qandaı shyǵarmalar negizinde mýzyka jasalatynyn anyqtaýǵa múmkindik beretin tehnologııany tanystyrdy, dep habarlaıdy Kyodo.
Kompanııanyń málimetinshe, bul qural kompozıtorlarǵa, avtorlarǵa jáne avtorlyq quqyq ıelerine shyǵarmalary ruqsatsyz paıdalanylǵan jaǵdaıda ótemaqy talap etýge múmkindik beredi.
Tehnologııa jasandy ıntellekt modeliniń parametrlerin taldaıdy, áýendi túpnusqamen salystyrady jáne olardyń sońǵy nátıjege áser etý dárejesin anyqtaıdy, bul ótemaqy esepteýlerin jeńildetedi.
Kompanııa kontent jasaýshylar tıisti ótemaqy alatyn ashyq júıeniń qalyptasýyna yqpal etedi dep úmittenedi.
Zııatkerlik menshikti qorǵaý kompanııanyń negizgi baǵyttarynyń birine aınaldy. Sony Music Entertainment 2024 jyly JI tehnologııasyn paıdalana otyryp, avtorlyq quqyqty buzyp, áýen shyǵarǵany úshin AQSh-ta sotqa shaǵym túsirdi.
Aıta keteıik, AQSh, QHR jáne Úndistan JI salasynda básekege qabiletti elderdiń úzdik úshtigine endi.
