"SONY" korporatsııasy 2012 qarjylyq jylynda 10 myń qyzmetkerin jumystan shyǵarmaq
ASTANA. 10 sáýir. QazAqparat - Japondyq "SONY" korporatsııasy 2012 qarjylyq jylynda 10 myń qyzmetkerin jumystan shyǵarǵaly otyr, bul ondaǵan elderdegi barlyq qyzmetkerlerdiń 6 paıyzyna jýyǵy quraıdy.
Bul týraly búgin jergilikti BAQ-qa silteme jasap ITAR-TASS habarlady.
Mundaı sheshimdi kompanııa eń pessımıstik boljamdardan asyp túsken úlken qarjylyq ysyraptan keıin qabyldaýǵa májbúr boldy. Onyń negizgi sebepteri - teledıdarlar óndirisin qaıta qurylymdaý úshin jumsalǵan shyǵyndar men korporatsııanyń kóptegen zaýyttarynyń qutyn qashyrǵan Japonııa men Taılandtaǵy dúleı apattardyń saldary boldy. Ótken jyly buryn-sońdy bolmaǵan hakerlik shabýyldar kezegi "SONY" úshin taǵy bir soqqy boldy. Olar shyǵyn keltirip qana qoımaı, kompanııanyń bedeline de nuqsan keltirdi.
Japondyq "SONY" elektronıka shyǵarý kompanııasynyń 2011 qarjylyq jylyndaǵy operatsııalyq shyǵyndary 95 mlrd. ıendi qurasa, taza shyǵyny - 220 mlrd. ıen (sáıkesinshe 1,2 mlrd jáne shamamen 2,9 mlrd AQSh dollary) boldy.
