Sony kompanııasynyń prezıdenti hakerlerdiń «shabýylyna» qarsy tura bilgenin aıtyp maqtandy
ASTANA. QazAqparat - Sony korporatsııasynyń prezıdenti Kadzýo Hıraı Sony Pictures kompanııasynyń kompıýterlerine hakerlik shabýyl jasalǵannan keıin birneshe apta ótken soń ǵana «Intervıý» fılmine qatysty túsinik berdi, dep habarlady VVS.
Onyń aıtýynsha, bul - Internet tarıhyndaǵy kıbershabýyldyń eń qaýiptileriniń biri. Hıraı óz sózinde kompanııasynyń Internet qaraqshylarǵa tosqaýyl qoıa bilgenin maqtan etti.
Amerıkalyq arnaıy qyzmettiń boljaýynsha, kompanııaǵa Soltústik Koreıa bıliginiń tapsyrysymen «shabýyl» jasalǵan bolýy múmkin.
Hakerlerdiń bul áreketi iri halyqaralyq janjalǵa sebep boldy. Ózi de kúrdeli jaǵdaıda turǵan Vashıngton men Phenıan arasyn odan saıyn salqyndatyp jiberdi. AQSh shabýyldyń artynda Phenıan turǵanyn alǵa tartyp, KHDR-ǵa qarsy sanktsııa engizdi.
