Sony kompanııasy bótelkege salynǵan oınatqysh satyp jatyr - FOTO
ASTANA. QazAqparat - Sony óziniń ataqty W Series Walkman MR3 oınatqyshyn sý quıylǵan bótelge salyp sata bastady, dep habarlaıdy Lenta.rý.
Ónertapqyshtar oınatqyshty sýy bar bótelge salyp satý arqyly quraldyń sý ótkizbeıtin qasıeti baryn kórsetpek bolǵan.
Qazir atalmysh qurylǵylar Jańa Zelandııada sport saraılary men basseınderinde satylyp jatyr. W Series fıtnespen shuǵyldanǵandy jaqsy kóretin adamdar úshin shyǵarylǵan ári ony sýda júzý kezinde de qoldanýǵa bolady.
Sony kompanııasynyń tapsyrysy boıynsha oınatqyshtyń jarnamalyq kampanııasy men qaptamasyn DraftFCB jarnama agenttigi ázirlegen. Al bótelkedegi sýdyń ishýge jaraıtyny ıa jaramaıtyny týraly ázirge belgisiz.
Jalpy, buǵan deıin oınatqyshtan bólek, Sony kompanııasy sý ótkizbeıtin smartfon, planshet, fotoapparat pen «aqyldy saǵattar» shyǵarǵan bolatyn. Uıaly telefon men planshetterdi bir metr tereńdikte sý astynda jarty saǵatqa deıin ustaýǵa bolady.
