Sony 2 myń qyzmetkerdi qysqartpaqshy
ASTANA. 21 qazan. QazAqparat - Sony Corp. kompanııasy 2 myńǵa jýyq qyzmetkerdi qysqartatyny jóninde málimdedi, dep habarlaıdy Azıatskıı reporter saıty.
Qysqartýlar merzimine deıin zeınetkerlikke shyǵarý baǵdarlamasy arqyly Sony-dyń bas kompanııasy men onyń bólimshelerinde 2013 jyldyń naýryz aıynda júzege asyrylady.
Bul kompanııanyń jumys kúshin qysqartý jónindegi josparynyń bir ǵana sharasy bolyp tabylady. Buǵan deıin Sony hımııalyq ónimder bıznesin Development Bank of Japan bankine satý arqyly qyzmetkerler sanyn 1800-ge qysqartty.
Kezinde japon tehnologııalyq sheberliginiń sımvoly bolǵan Sony sońǵy tórt jyldy shyǵyndarmen aıaqtap júr. Ótken qarjylyq jyldy kompanııa 456,66 mlrd ıen taza shyǵynmen aıaqtaǵan.
