Sońǵy jyldary «Ortalyq Azııa +» formaty aıasyndaǵy yntymaqtastyq jandana tústi - Prezıdent

«Geosaıası shıelenistiń kúsheıýine baılanysty bizge óńirdiń turaqtylyǵyn, qaýipsizdigin jáne ornyqty damýyn qamtamasyz etý úshin kúsh-jigerimizdi biriktirý asa mańyzdy. Bul týraly Prezıdent Qasym-Jomart Toqaev Azııa memleketteri basshylarynyń Konsýltatıvtik kezdesýinde aıtty, dep habarlaıdy QazAqparat.

«XXI ǵasyrda Ortalyq Azııany damytý maqsatyndaǵy dostyq, tatý kórshilik jáne yntymaqtastyq týraly shartta atalǵan ıgi mindetterdi oryndaýdyń ózara ońtaıly formýlasy bekitilgen dep oılaımyn.Búginde bizdiń basty mindetimiz – osy qujattyń tezirek kúshine enýin qamtamasyz etý. Bul Shart memleketterimizdiń kemeline kelgenine jáne óz aımaǵymyzdyń taǵdyryn derbes anyqtaýǵa daıyn ekenine aıqyn saıası dálel bolady», - dedi Memleket basshysy.

Ol sońǵy jyldary «Ortalyq Azııa +» formaty aıasyndaǵy yntymaqtastyq aıtarlyqtaı jandana túskenin atap ótti.

»Atalǵan formattar barynsha tıimdi bolýy úshin ulttyq múddelerimizdi eskere otyryp, olardyń sapaly mazmunyn birlese baıyta túsýimiz qajet.Bizdiń oıymyzsha, ortaq nemese barynsha uqsas ustanymǵa kelip, álemdik qoǵamdastyqqa yntymaǵymyz ben birligimizdi kórsetý mańyzdy», - dedi Prezıdent.