Sońǵy jyldary munaı-gaz salasyndaǵy qazaqstandyq qamtý 2,5 ese artty - M.Myrzaǵalıev

ASTANA. QazAqparat - Sońǵy jyldary munaı-gaz salasyndaǵy qazaqstandyq qamtý 2,5 ese artty. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elimizdiń Energetıka vıtse-mınıstri Maǵzum Myrzaǵalıev málim etti.

«Sońǵy birneshe jyl boıy, atap aıtqanda, 2010 jyldan beri munaı-gaz salasynda qazaqstandyq qamtýdy arttyrýǵa baǵyttalǵan aýqymdy jumystar júrgizildi. Naqty derekterge júginer bolsaq, búgingi kúni 2014 jyldyń qorytyndysyna sáıkes 3,1 trln. teńge kóleminde satyp alýlardyń ishindegi qazaqstandyq qamtý deńgeıi 1,7 trln. teńgeni qurady», - dedi vıtse-mınıstr.

Onyń atap ótýinshe, 2010 jyly bul kórsetkish nebári 680 mlrd. teńgeni quraǵan edi.

«ıAǵnı, ósim 2,5 ese bolyp otyr. Bul óte qarqyndy dınamıka ekendigi túsinikti. Jalpy, biz osy dınamıkany odan ary qoldaı bergimiz keledi», - dedi M.Myrzaǵalıev.