Sońǵy jyldary Qazaqstanda ishki farmatsevtıkalyq rynoktyń ósýiniń joǵary qarqyny baıqalady

ANA. Qazannyń 30-y. QazAqparat -  Búgin Shymkentte QR Premer-Mınıstri Kárim Másimov Ońtústik Qazaqstan oblysynda Ekonomıkany jańartý jónindegi memlekettik komıssııanyń kóshpeli otyrysyn ótkizýde.

Memlekettik komıssııanyń otyrysynda birinshi bolyp eldiń jedeldetilgen ındýstrııalyq-ınnovatsııalyq damýy aıasynda farmatsevtıkalyq keshendi damytý týraly máseleler qaraldy. QazAqparat elimizdegi farmatsevtıkalyq ónerkásip týraly derekterdi nazarlaryńyzǵa usynady.

Farmatsevtıkalyq salany damytýdyń strategııalyq maqsaty - otandyq dári-dármek quraldaryn óndirýshiler esebinen 2014 jyly dári-dármekke degen ishki qajettilikti 50 paıyzǵa qamtamasyz etý; respýblıka farmatsevtıkalyq kásiporyndarda 2014 jyldyń aıaǵyna deıin GMP «Tıisti óndiristik praktıka» halyqaralyq standarttaryn engizý.

Qazaqstannyń farmatsevtıkalyq ónerkásibi ındýstrııanyń damýshy salasy bola otyryp, medıtsınalyq maqsattaǵy buıymdardy usaq óndirýshilerdi qosa alǵanda, jalpy jıyntyǵy 79 kásiporyn-óndirýshilerdi quraıdy.

5 eń iri zaýyttyń úlesine, aqshalaı kóriniste, Qazaqstandaǵy shyǵarylatyn barlyq dári-dármekterdiń 90 paıyzdan astamy tıesili. Otandyq kásiporyndar - «Hımfarm» AQ, «Global Farm BK», «Romat» FK, «Nobel AFF», «Nur-Maı Farm» JShS, Qaraǵandy farmatsevtıka zaýyty - óndiristiń tolyq tsıklin qamtyǵyn kásiporyndar bolyp tabylady.

On bes jyl ishinde otandyq óndirýshilerdiń rynoktaǵy úlesi 3 paıyzdan 10 paıyzǵa deıin ósti. 2005 jyldan 2008 jyl aralyǵynda ishki farmatsevtıkalyq rynoktyń ósýiniń joǵary  qarqyny baıqalady, bul elimizdiń búkil ekonomıkasynyń ósýine, halyqtyń ál-aýqatynyń artýyna negizdelgen. Іshki rynoktaǵy farmatsevtıkalyq preparattardy 2005-2008 jyldarda satý mólsheri 19 paıyzdy qurady.

Qazaqstandaǵy dári-dármekterdiń jıyntyq rynogy 6 myńǵa jýyq ataýdy quraıdy. Tabıǵı kórinistegi ımport kólemindegi Batys, Shyǵys Eýropa elderi úlesiniń ulǵaıý úrdisi baıqalady. Úndistan men Qytaı óndirýshileri úlesteriniń ósýi toqtady, TMD elderi úlesiniń azaıýy jalǵasýda.

Qundyq kóriniste dári-dármek quraldary ımportynyń 68,6 paıyzyn qamtamasyz etetin elderdiń alǵashqy ondyǵyna, tabıǵı kórinistegi ımporttyń 54,5 paıyzy Germanııaǵa, Frantsııaǵa, Reseıge, Úndistanǵa, Vengrııaǵa, Belgııaǵa, Italııaǵa, Slovenııaǵa, Avstrııaǵa jáne AQSh-qa tıesili.

Qazaqstandaǵy satylý kólemi boıynsha alǵashqy bestikke as qorytý organdarynyń jáne metabolızmniń buzylýyn, mıkrobtarǵa qarsy, tynys júıeleri aýrýlaryn, júrek qan-tamyrlary júıelerin jáne jynys gormondaryn emdeýge arnalǵan preparattar enedi.