Sońǵy jyldary kámeletke tolmaǵandar men buryn sottalǵandar arasynda qylmystyq kórsetkish azaıdy - Q. Qasymov
ASTANA. QazAqparat - Astana qalasynda Qazaqstan Respýblıkasy Prezıdentiniń Kómekshisi - Qaýipsizdik Keńesiniń Hatshysy N.B. Ermekbaevtiń, Prezıdent Ákimshiligi Quqyq qorǵaý júıesi bóliminiń meńgerýshisi E.A. Kenenbaevtyń qatysýymen ІІM Alqasynyń keńeıtilgen otyrysy bolyp ótti.
Bul týraly ІІM baspasóz qyzmetinen habarlandy. Bul týraly QR ІІM baspasóz qyzmetinen habarlandy. Alqa otyrysynda 2014 jylǵy qyzmet qorytyndylary, taıaý ýaqyttarǵa arnalǵan ishki ister organdarynyń basym mindetteri, sondaı-aq ishki ister organdaryndaǵy tártip, zańdylyq jáne sybaılas jemqorlyqqa qarsy is-qımyl jaǵdaıy talqylandy.
Alqa otyrysy Іshki ister mınıstri Q.N. Qasymovtyń tóraǵalyǵymen ІІM ortalyq apparaty men komıtetteri, óńirlik ishki ister, qylmystyq-atqarý júıesi, tótenshe jaǵdaılar departamentteri jeke quramynyń, sondaı-aq Ulttyq Ulannyń óńirlik qolbasshylarynyń jáne vedomstvolyq oqý oryndary bastyqtarynyń qatysýymen ótti.
Qalmuhanbet Qasymov ótken jyly ІІM reformalaý jónindegi is-sharalardy iske asyrýda eleýli kezeń bolǵanyn atap ótti. Zamanaýı talaptarǵa sáıkes, ishki ister organdarynyń jańa júıesiniń negizi qalanǵan «Іshki ister organdary týraly» Zań qabyldandy. Quqyq qorǵaý júıesin odan ári jańǵyrtýdyń memlekettik baǵdarlamasyn jáne quqyq qorǵaý organdarynyń kadrlyq saıasatynyń tujyrymdamasyn iske asyrý jumystary júrgizildi.
Mınıstr habarlaǵandaı, esepke alý-tirkeý saıasatyn qatańdatý nátıjesinde qylmystardy jasyrýdyń burynǵy praktıkasy túptamyrymen joıyldy.
Sońǵy jyldary alǵash ret qylmystyń tómendeýi baıqaldy. Birqatar qylmys túrleri qysqardy, onyń ishinde kisi óltirý, densaýlyqqa aýyr zııan keltirý, tonaý, qaraqshylyq, basqa aýyr jáne asa aýyr qylmystar, sondaı-aq kámeletke tolmaǵandar, buryn sottalǵandar jasaǵan qylmystar, kóshelerde jasalatyn qylmystar azaıdy.
Qylmystyń tómendeýinen qylmystardyń ashylýy, jábirlenýshilerdiń buzylǵan quqyǵyn qaıta qalpyna keltirý jónindegi bizdiń negizgi mindetimiz sheshildi, - dep atap ótti Q.Qasymov. Qylmystyń basym túrlerin, onyń ishinde aýyr jáne asa aýyr qylmystardy ashý jaqsardy.
Mınıstr ІІM júıesiniń aǵymdaǵy jylǵy qyzmeti Memleket basshysy N.Á.Nazarbaevtyń Qazaqstan halqyna «Nurly jol - bolashaqqa jol» Joldaýynda belgilengen aýqymdy mindetterdi nátıjeli iske asyrý úshin jaǵdaı týǵyzýǵa, qyzmetter men bólinisterdiń jedel-qyzmettik jumys kórsetkishterin tómendetpeı, qylmystar týraly barlyq ótinishter men aryzdarǵa múltiksiz jedel den qoıýdy qamtamasyz ete otyryp, qylmystyq zańnyń jáne qylmystyq sot óndirisiniń jańa úlgisine aýysýdy jalǵastyrýǵa baǵyttalýy tıis ekenine nazar aýdardy.
ІІM Alqa otyrysynyń qorytyndysy boıynsha mınıstrliktiń ortalyq apparatynyń jáne óńirlik departamentterdiń qyzmet basshylaryna ózge de qaralǵan problemalar boıynsha naqty tapsyrmalar berildi.
