Sońǵy jyldary elimizge ákelingen kólikterdiń 90 paıyzy jańa avtomobılder - A. Raý

ASTANA. QazAqparat - Sońǵy jyldary elimizge ákelingen kólikterdiń 90 paıyzy jańa avtomobılder. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Investıtsııalar jáne damý vıtse-mınıstri Albert Raý málim etti.

«Eger Keden odaǵyna kirgenge deıingi ýaqytpen salystyratyn bolsaq, onda bizde kedendik stavka nól bolatyn. Sondyqtan da elimizge 2011 jylǵa deıin 10 paıyz jańa, 90 paıyz eski kólikter ákelindi», - dedi ol.

Vıtse-mınıstrdiń atap ótýinshe, sońǵy jyldary bul jaıt túbegeıli ózgeriske ushyrap otyr. Máselen, sońǵy ýaqytta elimizge kirgizilgen kólikterdiń 90 paıyzy jańa, al 10 paıyzy eski kólikter bolǵan.

«Jyl basyndaǵy Reseı rýbline qatysty jaıttan keıin bul elden Qazaqstanǵa kirgizilgen kólikterdiń jartysynan kóbin taǵy da paıdalanylǵan merzimi 10 jyldan asyp ketken eski avtomobılderdi qurady.Sondyqtan da biz Keden odaǵy ishindegi áriptestermen ýaǵdalastyqqa keldik. Bizderge jańa mashınalar ákeline bersin, al birqa eski kólikke jol joq», - dedi A.Raý.