Sońǵy jyldary bılik organdaryndaǵy jaýapty tulǵalardyń zańsyz áreketteri týraly sotqa túsetin shaǵymdar sany arta túsýde - M. Kópeev
ASTANA. Sáýirdiń 12-ci. QazAqparat /Qanat Mámetqazyuly/ - Sońǵy jyldary bılik organdaryndaǵy jaýapty tulǵalardyń zańsyz áreketteri týraly sotqa túsetin shaǵymdar sany arta túsýde.
Búgin QR Parlamenti Senatynda «Qazaqstan Respýblıkasyndaǵy ákimshilik ádilettiń qalyptasý máselesi» atty taqyrypqa ótken halyqaralyq konferentsııa barysynda Palata Tóraǵasynyń orynbasary Muhambet Kópeev osylaı málim etti, dep habarlaıdy QazAqparat.
«Memleket basshysynyń júktegen mindetterine sáıkes senimdi quqyqtyq ortany qalyptastyrý el ekonomıkasyn jahandyq ornyqtylyq pen syrtqy qaterlerge qarsy turaqtylyqty arttyrýdaǵy mańyzdy qadamdardyń biri bolyp tabylady. Qazaqstannyń Ata Zańyna sáıkes respýblıkanyń árbir azamaty óziniń bostandyǵy men quqy úshin sottyq qorǵanysqa júginýge quqyǵy bar. Sondyqtan da elimizde kúshti sot bıligin bekitý, eń aldymen jurtshylyqtyń sotqa degen seniminiń deńgeıine tikeleı baılanysty. Qazirgi tańda azamattar ózderiniń quqy buzylǵandyǵy týraly sotqa jıi shaǵymdanatyn boldy. Statıstıkaǵa júginsek, jyl saıyn bılik organdaryndaǵy jaýapty tulǵalardyń zańsyz áreketteri týraly sotqa túsetin shaǵymdar sany artyp otyr. Sondyqtan da ulttyq quqyqty jetildirýdiń mańyzdy baǵyttarynyń biri ákimshilik reformalar júrgizýge, ákimshilik-protsessýaldyq quqyq múmkindikterin keńeıtýge qatysty bolyp tabylady»,- dedi M. Kópeev.
Onyń aıtýynsha, Qazaqstanda 2002 jyldan bastap ákimshilik quqyq buzýshylyqtardy qaraıtyn ákimshilik sottary qyzmet etip keledi. Sońǵy jyldary bul salany ákimshilik zańnamamen qamtamasyz etý boıynsha da mańyzdy qadamdar jasalǵan. «Degenmen, ákimshilik zańnamany odan saıyn damyta túsýdiń, ony ómirge endirýdiń úlken áleýeti saqtalyp otyr. Bul jaǵdaıda eń birinshi kezekte ákimshilik ádiletti qalyptastyrýdyń mańyzy zor», dedi vıtse-spıker.
