Sońǵy jarty ǵasyrdaǵy eń qatty qurǵaqshylyqtyń saldarynan mıllıondaǵan qytaılyq sýsyz qalyp otyr
ASTANA. Aqpannyń 4-i. QazAqparat - Qytaıdyń mıllıondaǵan turǵyny eldiń ońtústik-shyǵysynda sońǵy 50 jyldaǵy eń qatty qurǵaqshylyqtyń saldarynan aýyz sýsyz qalyp otyr.
Birqatar aýdandarda ótken qyrkúıek aıynan beri bir tamshy jańbyr jaýmaǵan, dep habarlaıdy «Maıak» radıosy.
Nátıjesinde eginniń bári qýrap ketti, taý ózenderi tartylyp qaldy. Tabıǵattyń tosyn minezinen kelgen ekonomıkalyq shyǵyn 527 mıllıon dollarǵa baǵalanyp otyr. Sınoptıkterdiń boljamynsha, qurǵaqshylyq sáýir aıyna deıin jalǵasady, biraq ta aımaqtaǵy aýyz sýdyń qory tek bir aıǵa ǵana jetedi.
Osyǵan baılanysty Qytaıdyń ońtústik-shyǵysynda dabyl soǵylýda. Úkimet zardap shekken aımaqtarǵa sý jetkizý sharalaryn uıymdastyrýda. Bul baǵdarlamaǵa 7 mıllıonnan astam dollar bólinip otyr.
