Sońǵy úsh jylda jańadan 600-ge jýyq mektep salynǵan

ASTANA. QazAqparat - Qazaqstanda sońǵy úsh jylda jańadan 592 mektep salynyp, qoldanysqa berildi. Onyń ishinde 314 mektep memlekettik bıýdjet esebinen salynsa, 278 mektep jekemenshik ınvestorlar esebinen boı kóterdi. Bul týraly QazAqparat Oqý-aǵartý mınıstrligine silteme jasap habarlaıdy.

Sonymen qatar 2022 jyldyń sońyna deıin bıýdjet qarjysyna jańadan 117 mektep jáne 99 jekemenshik mektep ashý josparlanyp otyr.

«Prezıdenttiń bıylǵy joldaýy aıasynda «Jaıly mektep» ulttyq jobasyn iske asyrý bastaldy. Joba aıasynda 2023-2025 jyldar aralyǵynda memlekettik bıýdjet qarajaty esebinen 800 myń oqýshy ornyna arnalǵan jańa formattaǵy mektepter salý josparlanǵan», - delingen mınıstrlik habarlamasynda.