Sońǵy úsh jylda úsh oblysta 25 myń tonna syıymdylyǵy bar astyq saqtaý qoımalary qaıta salyndy - AShM
Mınıstrlik málimetterine qaraǵanda, qazirgi kúni elimizdiń barlyq elevatorlary bıylǵy egin túsimin qabyldaý úshin materıaldyq-tehnıkalyq bazasyna jóndeý jumystaryn ótkizýde. Al 18 shildedegi jaǵdaı boıynsha 215 lıtsenzııalanǵan elevatorlardyń 41-ine tekserý jumystary júrgizilgen. Nátıjesinde astyq qabyldaý kásiporyndarynyń 31 egin oraǵy ýaqytynda astyq qabyldaýǵa daıyn bolyp shyqty. Al 10 kásiporyn ártúrli sebeptermen ózderiniń biliktilik talaptaryna saı emes ekendigin kórsetken.
«Eginniń túsimin uqypty saqtaý maqsatynda 2010 jyldan 2013 jylǵa deıingi aralyqta úsh negizgi bıdaı sebýshi oblystarda jalpy syıymdylyǵy 25 myń tonnany quraıtyn qoımalar qaıta salyndy jáne aýyl sharýashylyǵy taýaryn óndirýshileri óz kúshimen saqtaýǵa jaramdy jalpy syıymdylyǵy 1 140 myń tonna bolatyn arnaıy beıimdelgen qoımalar salyndy. Mysaly, Aqmola oblysynda beıimdelgen qoımalar «SHP Novobratskoe» JShS - 3, «Jýravlevka» JShS - 3, Qostanaı oblysynda «Shýller E. F.» sharýa qojalyǵynda - 4, Soltústik Qazaqstan oblysynda «Shatılo ı K» JShS - 2, «Agro-Aleksandrovka» JShS-1, «Baıantaı» JShS - 1 qoıma saldy», - delingen mınıstrlik taratqan baspasóz baıanynda.