Sońǵy úsh jylda tasqyndy sýlar 28 mlrd. teńgeden astam somaǵa materıaldyq shyǵyn keltirdi
ASTANA. 9 qazan. QazAqparat - Sońǵy úsh jylda tasqyn sýdan jalpy materıaldyq zalal 28 mlrd. teńgeden astam qarjyny qurady.
Bul týraly selektorlyq rejımdegi Úkimet otyrysynda QR Tótenshe jaǵdaılar mınıstri Vladımır Bojko málim etti.
«2010-2012 jyldary Qazaqstanda tasqyndardan 146 eldi meken zardap shekti, 5064 úı men 11 400 saıajaı jáne sharýashylyq qurylystaryn sý basty. Sý basqan aımaqtardan 31 myńnan astam adam kóshirildi»,-dedi mınıstr.
V. Bojkonyń sózinshe, 107 eldi mekendi qardyń kúrt erýinen, tolassyz jańbyrdyń saldarynan sý basyp, keıbir nysandar qırady.
Taratylǵan málimetterge qaraǵanda, Qazaqstanda tasqyndardyń qaýipti áseri bar aımaǵynda 1,4 mln. astam adam turady jáne bul aýmaqta 32 myńnan astam turǵyn úı qory, áleýmettik-mádenı jáne óndiristik maqsattaǵy nysandar ornalasqan kórinedi.
