Sońǵy úsh jylda Qazaqstanǵa kiretin kontrabandalyq esirtki faktileriniń anyqtalǵan kólemi 12 paıyzǵa ósti

ASTANA. QazAqparat - Resmı málimetter boıynsha sońǵy úsh jylda Qazaqstanǵa kiretin kontrabandalyq esirtki faktileriniń anyqtalǵan kólemi 12 paıyzǵa jýyq kórsetkishke ósti. Bul týraly búgin Aýǵanstannan keletin esirtki tasymalyna tosqaýyl qoıýǵa negizdelgen semınarda Bas prokýrordyń birinshi orynbasary Iogan Merkel málim etti.

«Tek resmı málimetter boıynsha sońǵy úsh jylda Qazaqstanǵa kiretin kontrabandalyq esirtki faktileriniń anyqtalýy kólemi 12 paıyzǵa jýyq kórsetkishke ósti. Árıne, bul qylmystyń kategorııasy tranzıttiń jolynda ornalasqan Qazaqstannyń keıbir óńirlerine ǵana tán. Apıyndy kóknár egisteriniń kólemi sońǵy bes jylda (Aýǵanstanda) 193 myń gektardan 209 myń gektarǵa deıin artyp otyr», - dedi I. Merkel.

Onyń paıymynsha, bul problemanyń sheshimin tabý baǵytynda qazaqstandyq quqyq qorǵaý organdary belsendi aralasýy qajeti.

Sonymen qatar Bas prokýrordyń orynbasary búginde qalyptasqan ahýal esirtki saýdasy jaǵdaıyna tereńdetilgen taldaý, sondaı-aq esirtki tasymaldaý joldaryna tosqaýyl qoıýdyń aıtarlyqtaı tıimdi is-qımyldaryn qurý qajettigin atap ótti.

«Esirtkiniń zańsyz aınalymy adamzattyń jahandyq problemasynyń biri bolyp qala berýde. Qazirgi zamanǵy uıymdasqan esirtki qylmysynyń transulttyq aýqymy halyqaralyq qaýipsizdikke aıtarlyqtaı qaýip tóndirip otyr», - dep túıdi ol.