Sońǵy úsh jylda qazaqstandyq ǵalymdar dándi daqyldardyń 182 sorty men býdanyn oılap shyǵardy - «QazAgroInnovatsııa»
Bul týraly búgin Astanadaǵy S.Seıfýllın atyndaǵy Qazaq Agrotehnıkalyq ýnıversıtetinde ótken «Sáken taǵylymy» atty 8-inshi Respýblıkalyq ǵylymı-teorııalyq konferentsııada «QazAgroInnovatsııa» AQ-nyń prezıdenti Serik Kenenbaev málim etti.
«Bizde ósimdik jáne mal sharýashylyqtarynda jetistikterimiz bar. Ózimizdiń ázirlemelerimiz óndiriste keńinen qoldanylýda. 2009-2011 jyldar aralyǵynda ǵylymı-zertteý mekemelerimiz aýylsharýashylyq dándi daqyldardyń 182 sorty men býdanyn oılap shyǵardy. Olardyń ishinde 77-si - dándi jáne jarma daqyldary, 26 - kókónis-baqsha daqyldary, 13 - jemis-jıdek daqyldary, 13 - kartop, 23 - jemshóptik daqyldar jáne 17 - maıly daqyldar. Jasap shyǵarylǵan sorttar memleketke tapsyrylyp, olar úsh jyl boıy synaqtan ótkiziledi. Sodan keıin ǵana baryp óndiriske engiziledi. Úsh jyl ishinde otandyq ǵalymdar oılap tapqan dándi daqyldardyń 92 sorty men býdany óndiriske engizildi», - dedi ol.
S.Kenenbaev atap ótkendeı, Qazaqstanda qoldanysqa jiberilgen aýylsharýashylyq dándi daqyldardyń suryptary men býdandarynyń barlyq sany 315-ti quraıtyn bolsa, olardyń 158-i otandyq ǵalymdardyń ázirlemeleri. Máselen, elde qysqy jumsaq bıdaıdyń barlyǵy 34 túri egiletin bolsa, onyń 24-in óz ǵalymdarymyz oılap tapqan. Sol sııaqty jumsaq jazdyq bıdaıdyń 75 túriniń 44-i, qatty jazdyq bıdaıdyń 23-iniń 12-si, jazdyq arpanyń 42-siniń 24-i, soıanyń 19-ynyń 7-eýi, kúnbaǵystyń 36 túriniń 13-i, jońyshqanyń 21-iniń 15 túri, maqtanyń 11 túriniń 9-y qazaqstandyq ǵalymdardyń ázirlemeleri. Jalǵyz ǵana qant qyzylshasynyń sorttaryn oılap tabýda ǵalymdarymyzdyń isi kenjelep tur. Elde egiletin bul dándi daqyldyń 30 túriniń tek 1-eýi ǵana otandyq ázirleme.
«2000 jyly biz tek ózbektiń maqta suryptaryn ekken bolsaq, búgingi kúni ósirilip otyrǵan maqtanyń 80 paıyzy ózimizdiń sorttar», - dep atap ótti «QazAgroInnovatsııa» basshysy.
