Sońǵy úsh jylda Qazaqstandaǵy ósimdik sharýashylyǵynda ortasha jyldyq ónim 1,2 trln. teńgeni qurady - AShM

ASTANA. QazAqparat - Qazaqstanda sońǵy úsh jylda ósimdik sharýashylyǵynyń ortasha jalpy jyldyq ónimi 1,2 trln. teńgeni qurady. Bul osynyń aldyndaǵy úsh jylmen salystyrǵanda 1,5 esege artyq. Búgin Májilistegi Úkimet saǵatynda Aýyl sharýashylyǵy mınıstri Asyljan Mamytbekov osylaı málim etti.

Mınıstrdiń sózine qaraǵanda, ósimdik sharýashylyǵy ónimderin óńdeý óndirisi boıynsha - kúnbaǵys maıy 31 myń tonnaǵa nemese 42 paıyzǵa artty, al konservilengen jemister men kókónister 10 paıyzǵa artqan.

«Sońǵy úsh jylda astyq, un jáne maı daqyldaryn eksportqa satýdan sharýalar, tutastaı alǵanda, 5,9 mlrd. dollar paıda tapty. Bul - osynyń aldyndaǵy jyldarmen salystyrǵanda 10 paıyzǵa joǵary kórsetkish. Jalpy alǵanda memlekettik qoldaý aýqymyn arttyrý men salany ártaraptandyrý baǵytynda qabyldanǵan sharalar jáne aýyl sharýashylyǵyna zamanaýı tehnologııalardy engizý ósimdik sharýashylyǵynyń óndiris kólemin arttyrýǵa, mal sharýashylyǵynyń jem-shóp bazasyn damytýǵa septigin tıgizdi», - dedi A. Mamytbekov.