Sońǵy úsh jylda elimizde áýe kólikteri 4 ret apatqa ushyrap, 42 jaısyz jaǵdaıǵa tap boldy - Bas prokýratýra
ASTANA. Tamyzdyń 12-si. QazAqparat /Aıdar Ospanalıev/ - Sońǵy úsh jylda elimizdiń áýe kólikteri 4 ret apatqa ushyrap, 42 jaısyz jaǵdaıǵa tap boldy. Bul másele boıynsha júrgizilgen taldaý jumystary atalmysh jaǵdaılarǵa adamı faktorlarmen qosa ushaqtardyń tehnıkalyq jaǵdaılary sebep bolǵandyǵyn kórsetip otyr.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti.
Ushaqtardyń ushý qaýipsizdigine baılanysty prokýratýra organdary júrgizgen arnaıy tekserýlerdiń nátıjelerine súıene otyryp, onyń keltirgen málimetterine qaraǵanda, elimizdiń kóptegen áýe kompanııalarynyń qyzmetinde zańbuzýshylyqtar oryn alǵan. «Mysaly «Jezqazǵan Eır» áýe kompanııasy ıAK-40 áýe kóligine jolaýshylardy eki ese kóp otyrǵyzǵan. ıAǵnı olar paıda tabý úshin júzdegen jolaýshylardyń ómirlerin qaterge tikken. Onyń ústine, jolaýshylardy tasymaldaý jumystaryna qoldaný merzimi bitken kólikter de paıdalanylǵan. Bul az bolsa, ondaǵy keıbir mamandardyń biliktilikteri talapqa saı bolmaı shyqty. Tipti arnaıy daıyndyqtan ótpegen adamdar da ushaqty basqarýǵa jiberilgen. Eń soraqysy, «Eır Trast» áýe kompanııasy ushaqty tolyq ekıpajsyz paıdalanǵan», dedi resmı ókil.
Onyń aıtýynsha, áýe tehnıkalaryn retteıtin keıbir kompanııalardyń qyzmetinde kedendik zańnamalardy buzý men memleket múddesine qarsy áreketter anyqtaldy. «Jalpy alǵanda prokýratýranyń tekserýleri nátıjesinde 30 usynys jasalyp, 65 áýe kóliginiń qyzmetin toqtatý jóninde 1 uıǵarym engizildi. 3 ákimshilik quqyq buzýshylyq týraly is qozǵaldy. Sonymen qatar Bas prokýratýra Kólik jáne kommýnıkatsııa mınıstrligine oryn alǵan kemshilikterdi joıý jóninde usynys engizdi», dedi N.Súıindikov.
