Sońǵy úsh jylda 572 azamat travmatıkalyq qarý qoldanýdan japa shekken - ІІM
ASTANA. 29 mamyr. QazAqparat - 2010 jyldan beri respýblıkamyzdyń medıtsınalyq mekemelerine travmatıkalyq qarý qoldaný nátıjesinde japa shekken 572 azamat shaǵymdanǵan.
Olardyń 39-y kámeletke tolmaǵan jasóspirimder bolyp tabylady. Bul týraly búgin Májiliste «Travmatıkalyq qarý:zańnamalyq retteý máseleleri» atty taqyrypta ótken dóńgelek ústel barysynda málim boldy.
Іshki ister mınıstrliginiń usynǵan málimetterine qaraǵanda, travmatıkalyq qarý qoldanýdan 29 adam - aýyr, 19-y ortasha aýyr jaraqattanǵan. Al densaýlyq saqtaý organdarynyń qorytyndysy boıynsha travmatıkalyq qarýdy bir metr qashyqtyqtan qoldanǵanda adamnyń densaýlyǵyna ortasha jáne aýyr jaraqattar bolmaýy tıis. Onyń ústine qarýdyń bul túrin adamnyń basy men moıyn tusyna qaratyp atýǵa tyıym salynady. Alaıda Іshki ister mınıstrliginiń málimetteri boıynsha travmatıkalyq qarý ıeleri bundaı talapty kóp jaǵdaıda saqtaı bermeıdi. Sonymen qatar, bundaı qarý qoldanýdaǵy azamattardyń densaýlyǵyna erekshe qaýip tóndiretinder - travmatıkalyq patrondary bar «OSA» men «Strajnık» modeli. El azamattarynda osy qarýdyń 17635 birligi bar eken.
