Sońǵy ýaqytta týa bitti júrek demikpesiniń eń aýyr túrleri kóbeıdi - QR UǴA akademıgi Kamal Ormantaev
ALMATY. Shildeniń 28-i. QazAqparat /Názıra Eleýhan/ - Tom kardıohırýrgııa ınstıtýty jylyna Qazaqstannan týa bitti júrek demikpesi dıagnozymen kelgen 100 balaǵa operatsııa jasaıdy. Emdelýshilerdiń kópshiligi - syrqaty aýyr patsıentter. Bul týraly búgin Almatyda tusaýy kesilgen "Balalarǵa ómir syıla!" dep atalatyn qaıyrymdylyq týraly túsirilgen derekti fılmde Tom qalasynyń kardıohırýrgy, medıtsına ǵylymdarynyń kandıdaty Evgenıı Krıvoşekov aıtty, dep habarlaıdy QazAqparat.
Onyń aıtýynsha, Tom qalasy kardıohırýrgteri eki jylda bir ret Almaty qalasynda keńes berý qabyldaýyn ótkizip turady. "Týa bitti júrek demikpesimen dúnıege kelgen balalardy birinshi jylynda, tipti birinshi aıynda operatsııa jasaý kerek. Jasalmasa, birinshi jyly balalardyń 80 paıyzy dúnıeden ótedi. Salmaq jınaýyn kútý kerek degen sózge senbeńiz, ondaı dıagnozben dúnıege kelgen bala salmaq jınaı almaıdy. Sondyqtan Qazaqstannan asqynyp, balanyń jaǵdaıy aýyr bolyp ketken kezde keledi", dedi ol.
Ol sonymen qatar, "Biz joǵary tehnologııalar zamanynda kómektese alatyndyǵymyzdy bile otyra, qorǵansyz balalarǵa kómektespeýimizdi ádiletsizdik dep sanaımyz. Sondyqtan biz árqashan kómegimizdi berýge daıynbyz", dep atap ótti Evgenıı Krıvoşekov.
"Kóptegen analar, júkti áıelder anemııa aýyrýymen aýyrady, ásirese aýyldy jerlerde turatyndar. Kópshiligi durys tamaqtanbaıdy. Densaýlyǵy joq anadan aýrý bala dúnıege keledi. Sońǵy ýaqytta týa bitti júrek demikpesiniń eń aýyr túrleri kóbeıdi. Balalar ólimi kóbeıip, úshinshi orynnan ekinshi orynǵa shyqty", dep atap ótti QR UǴA akademıgi Kamal Ormantaev.
"Júrek demikpesi dıagnozymen dúnıege kelgen balalarǵa jedel túrde operatsııa jasaý kerek. Bizde ondaı múmkindikter joq bolǵandyqtan biz olardan aıyrylýdamyz", dedi №1-shi perzenthananyń balalar bóliminiń meńgerýshisi Sulýshash Sasaeva.
Astana qalasy Ulttyq ǵylymı-medıtsınalyq ortalyqtyń dırektory, medıtsına ǵylymdarynyń doktory, Abaı Baıgenjınniń aıtýynsha, shet elde jasalynatyn operatsııany bizdiń el de jasaı alady. "Biraq, bizdiń qabyldaıtyn oryn shaǵyn bolǵandyqtan qabyldaýymyz shekteýli, 32 oryn ǵana bar, sondyqtan 450 operatsııa jasaımyz. Bizdiń ortalyqqa sondyqtan, kezekke turǵan adamdardyń sany óte kóp", dedi ol.
Astana qalasynyń kardıohırýrgy, medıtsına ǵylymdarynyń kandıdaty ıÝrıı Pıanyń aıtýynsha, Dúnıejúzilik densaýlyq saqtaý uıymynyń sharty boıynsha, orta shamamen alǵanda 16 myń operatsııa jasalynýy kerek. "Al Qazaqstanda joǵary shamamen alǵanda 2-3 myń operatsııa jasalynady. Bizdiń eldiń kardıohırýrgııa salasy endi ǵana damyp, jolǵa túsip keledi, sondyqtan osyndaı máseleler bar", dedi ol.
