Sońǵy táýlikte koronavırýs pen pnevmonııadan 30 adam qaıtys boldy - mınıstr
«Ótken táýlikte 10 patsıent koronavırýs ınfektsııasynan, 20 patsıent pnevmonııadan qaıtys boldy. Statıstıka tolyqqandy jarııalanyp keledi. Qazir biz birikken statıstıkaǵa kóshtik, ıaǵnı sımptomdy ári sımptomsyz adamdar birge kórsetiledi. Bul, óz kezeginde elimizdegi naqty jaǵdaıdy túsiný úshin kerek. Koronavırýsqa shaldyqqan ár adam indetti basqalaryna juqtyrýy múmkin. Bizdiń maqsat - qalyptasqan jaǵdaıǵa durys baǵa berý», - dedi A. Tsoı Ortalyq kommýnıkatsııalar qyzmetinde.
Onyń sózine qaraǵanda, pnevmonııa jaǵdaılaryna tıisti monıtorıng jasalýda.
«Biz pnevmonııa jaǵdaıyna monıtorıng júrgizýdemiz. Sońǵy táýlikte elimiz boıynsha 1 247 osyndaı jaǵdaı anyqtaldy. Sáıkesinshe, olarǵa qatysty tıisti terapııany qamtamasyz etýdemiz», - dedi mınıstr.
