Sońǵy táýlikte Almaty oblysynda 43 bala koronavırýs juqtyrdy
Oblystyq sanıtarlyq-epıdemıologııalyq baqylaý departamentiniń baspasóz-qyzmetiniń málimetinshe, 100 myń turǵynǵa shaqqanda KVI syrqattanýshylyq kórsetkishi – 2130,9 qurady.
Oblys boıynsha KVI ósý qarqyny sońǵy 2 aptada 0,9% - dan 0,7% - ǵa deıin tómendedi. Sońǵy aptada eń joǵary ósý qarqyny Alakól, Balqash, Eskeldi, Qarasaı aýdandarynda jáne Taldyqorǵan qalasynda baıqalady.
Sońǵy táýlikte KVI-dyń 265 jaǵdaıy tirkeldi, ósý qarqyny – 0,6%, onyń ishinde 224 sımptomdyq jáne 41 sımptomsyz jaǵdaı.
KVI anyqtalǵan 265 jaǵdaıynyń 43-i 14 jasqa deıingi balalar jáne 3-eýi stýdentter arasynda anyqtalǵan.
Jyl basynan Almaty oblysyna vaktsınanyń 1 komponentinen 773 685 doza kelip tústi. Onyń ishinde 598 575 doza Gam Kovıd Vak, 104 100 doza Sinopharm, 43 010 doza QazVac jáne 28 000 doza – KoronaVak. Vaktsınanyń 2 komponentinen 701 310 doza alyndy. Onyń ishinde 526 200 doza Gam Kovıd Vak, 104 100 doza Sinopharm, 43 010 doza QazVac jáne 28 000 doza – KoronaVak. Búgingi kúni oblysta vaktsınanyń 1 komponentinen 74 362, 2 komponentinen 119 952 doza qalyp otyr. 8 qyrkúıekke qaraǵan kúni 699 323 (64%) adam vaktsınanyń birinshi komponentin aldy, ekinshisimen 581 358 (53%) turǵyn egildi.
Jalpy 8 qyrkúıektegi jaǵdaı boıynsha oblysta KVI zerthanalyq rastalǵan 45 547 jaǵdaı tirkelgen. Onyń ishinde 32 479 sımptom belgileri bar.