Sońǵy onjyldyqtaǵy eń bedeldi tulǵalar anyqtaldy
ASTANA. 19 sáýir. QazAqparat - Amerıkandyq «Time» basylymy sońǵy onjyldyqtaǵy eń bedeldi tulǵalar reıtıngin jasady.
Bul týraly Ýtro.rý habarlaıdy.
Internet paıdalanýshylardyń daýys berý nátıjesinde fınalǵa shyqqan úzdikter tórt topqa jikteldi - «Oıyn-saýyq», «Saıasat», «Tehnologııalar» jáne «Ikonalar».
Reıtıngke saıasatkerler, sportshylar, ataqty akterler men ánshiler endi. Birinshi oryndy Nobel syılyǵynyń ıegeri Aýn San Sý Chjı ıelendi. 15 jyl úı qamaǵynda otyrǵan áıel Bırmada demokratııalyq qundylyqtardy ornatý úshin kúresimen áıgili bolǵan. Búginde ol Mıanma parlamentiniń múshesi. Ol «№1 ıkona» degen ataqqa ıe boldy.
Aýn San Sý Chjı álemde sonshalyqty tanymal emestigine qaramastan AQSh-tyń birinshi hanymy Mıshel Obama, telejúrgizýshi Opra Ýınfrı, Ulybrıtanııa hanzadasy Ýılıamnyń jubaıy Keıt Mıddlton, Facebook áleýmettik jelisiniń negizin qalaýshy Mark Tsýkerberg sekildi tulǵalardy artqa tastaǵan.
Ekinshi oryndy áıgili ánshi Ledı Gaga ıelendi. Ol óz kezeginde akter Djordj Klýnı, Garrı Potterdi jazǵan Djoan Roýlıngpen qosa, AQSh prezıdenti Barak Obamanyń aldyn orady.
«Onjyldyqtaǵy eń bedeldi tulǵalar» reıtınginiń fınalısteri:
«Oıyn-saýyq» toby - Ledı Gaga, Dordj Klýnı, Tına Feı, Djoan Roýlıng. «Saıasat» - Barak Obama, Rash Lımbo, Hılları Klınton, Djordj Býsh. «Tehnologııalar» - Mark Tsýkerberg, Larrı Peıdj, Djımmı Ýeıls, Djef Bezos.
«Ikona» - Aýn San Sý Chjı, Mıshel Obama, Keıt Mıddlton, Opra Ýınfrı.
