Sońǵy on jylda balalardyń durys tamaqtanbaýynan ártúrli aýrýlarǵa shaldyǵý kórsetkishi ósken
ALMATY. Qarashanyń 24-i. QazAqparat /Názıra Eleýhan/ - Búgin Almatyda «Jańa mektep» atty oqý ornynda qarasha aıynyń 16-25 aralyqtarynda ótip jatqan deneniń artyq salmaǵynyń aldyn alý onkúndigine arnalǵan «Fastfýdtar «ıá» jáne «joq»» atty pikirtalas ótti,
dep habarlaıdy QazAqparat.
Almaty qalalyq salaýatty ómir saltyn qalyptastyrý ortalyǵynyń uıymdastyrýymen ótken pikirtalasqa 9-11 synyp oqýshylary, gastroenterolog-dárigerler, Qazaq taǵamtaný akademııasynyń ókilderi jáne Almaty qalasynyń sanıtarlyq-epıdemıologııalyq baqylaý basqarmasy qatysty.
Shara barysynda Almaty qalasynyń sanıtarlyq-epıdemıologııalyq baqylaý basqarmasy mektep oqýshylaryna tez daıyndalatyn taǵam túrin kúndelikti qoldanyp, ádettegi taǵamǵa aınaldyrýǵa bolmaıtynyn, gambýrger, hot-dog, chıpsy, gazdalǵan sýsyndarǵa áýes bolmaý kerektigin eskertti. «Fastfýd» taǵamdaryn daıyndaýda taǵamnyń sapasyna mán bermeıdi, sondyqtan durys tamaqtaný jónin bilýleriń kerek», dedi olar.
Qazaq taǵamtaný akademııasynyń málimetteri boıynsha, sońǵy on jylda balalardyń ár túrli aýrýlarǵa shaldyǵý kórsetkishi edáýir ósken, onyń ishinde durys tamaqtanbaýǵa baılanysty faktorlary kóbeıgen. Qazaqstanda 6 jastan 14 jasqa deıingi balalar arasynda temir jetispeýshilik anemııasyna 44,9 paıyzy shaldyqqan. Al as qorytý jáne zat almasý aýrýlary birinshi orynda tur.
