Sońǵy on jylda ana men sábı ólim-jitimi sáıkesinshe 3 jáne 1,5 esege azaıdy - S.Qaıyrbekova
ASTANA. 20 tamyz. QazAqparat - Sońǵy on jylda ana ólimi - 3, al sábı shetineýi 1,5 esege tómendedi.
Bul týraly búgin Úkimettiń selektorlyq rejimdegi otyrysynda QR Densaýlyq saqtaý mınıstri Salıdat Qaıyrbekova aıtty.
Mınıstrdiń atap ótýinshe, ana men bala ólim-jitimi kórsetkishteri memlekettiń ǵalamdyq básekelestik ındeksiniń negizgi ólshemi retine qarastyrylady. Bul rette, el Úkimeti tarabynan atqarylyp jatqan is-sharalar ana men bala densaýlyǵynyń kórsetkishterin jaqsartýǵa múmkindik berip otyr. Máselen, sońǵy jyldary respýblıkada ómir súrý uzaqtyǵy 2,5 jylǵa uzaryp otyr.
«Keıingi 10 jylda elimizde týý kórsetkishi dınamıkasy shamamen 1,3 esege artqany baıqalady. Halyqtyń tabıǵı ósimi 2,1 esege ósti. Ana ólimi 3 esege qysqarsa, elimizdiń DDSU usynǵan tiri jáne óli týý ólshemine kóshýine sáıkes 1,5 ese azaıdy», - dedi ol.
S.Qaıyrbekovanyń sózine qaraǵanda, ana men bala ólimi kórsetkishteriniń tómendeýi olardyń densaýlyǵyn nyǵaıtýǵa baǵyttalǵan júıeli sharalardyń arqasynda múmkin bolyp otyr.
