Sońǵy on táýlikte qazaq-ózbek shekarasynan 8 myńnan astam júk kóligi ótti

ASTANA. QazAqparat - Sońǵy on táýlikte qazaq-ózbek shekarasynan 6 myńnan astam júk kóligi ótti. Ótkizý qabiletin arttyrý maqsatynda qazaqstandyq jáne ózbek keden organdary kelisim boıynsha kúsheıtilgen jumys rejımine kóshti, dep habarlaıdy QazAqparat.

Qos tarap kezdesýler ótkizip, Túrkistan oblysyndaǵy qazaq-ózbek shekarasynda ornalasqan barlyq ótkizý pýnkteri qaraldy. Sondaı-aq, ótkizý pýnkterindegi kedendik resimdeý bıznes-protsessterdi ońtaılandyrý boıynsha kelisimder talqylanyp, qol jetkizildi.

Sońǵy on táýlikte Túrkistan oblysy boıynsha MKD ótkizý pýnkteri arqyly ótkizilgen kólik quraldary kelesideı:

 «Qazyǵurt» ótkizý pýnkti – 2 243 júk kólik quraly;

 «B. Qonysbaev» ótkizý pýnkti – 4 280 júk kólik quraly;

 «Atameken» ótkizý pýnkti – 1 796 júk kólik quraly.

Bir júk kólik quralyn resimdeýge orta eseppen 2-3 mınýt jumsaldy.

«Sonymen qatar, júrý marshrýtyn tıimdi josparlaý jáne shekarada turyp qalýdy boldyrmaý maqsatynda, júrgizýshiler men tasymaldaýshylarǵa CarGoRuqsat elektrondy kezektiń avtomattandyrylǵan júıesi (cgr.qoldau.kz) nemese Túrkistan oblysy boıynsha MKD ınternet-resýrsynda (trk.kgd.gov.kz) keden beketteriniń júktemesi men ótkizý kezeginiń aǵymdaǵy jaǵdaıy týraly málimetterdi kórý múmkindigi usynylǵanyn habarlaımyz», - dep jazdy Memlekettik kirister komıtetinen.