Sońǵy on kúnde respýblıkada 13 qaraqshylyq shabýyl jasaldy - QR ІІM
ASTANA. 11 mamyr. QazAqparat /Jasulan Amanbaıuly/ - Sońǵy on kúnde respýblıkada 13 qaraqshylyq shabýyl jasaldy, onyń 5-eýi ashylǵan joq. Bul týraly búgin Astanada baspasóz máslıhatynda QR ІІM-niń Ákimshilik polıtsııa komıtetiniń tóraǵasy Qaırat Tynybekov málim etti.
Atalǵan qaraqshylyq shabýyl faktilerdiń barlyǵy, Q. Tynybekovtyń atap ótkenindeı, mamyr aıynyń alǵashqy on kúninde jasalǵan.
Mysaly, 6 mamyr kúni Taraz qalasynda iri qaraqshylyq shabýyl jasaldy. «Mercedes Benz» avtomashınasyn mingen eki belgisiz adam «Inter-Frýt» JShS-nyń júrgizýshi-ekspedıtoryn jaraqat salatyn tapanshamen atyp, 240 myń teńge aqshasyn alyp, izderin sýytqan.
Al Pavlodar oblysy Qashyr aýdanynyń Peschanoe aýylynda, 1 mamyr kúni betperde kıgen eki belgisiz adam tereze arqyly aýyl turǵynynyń úıine kirip, ıesin pyshaqtap, 50 myń teńge aqshasyn urlap ketken.
