Sońǵy on aıda Astanaǵa 76 myńnan astam shetel azamaty kelgen
ASTANA. 12 qarasha. QazAqparat - Sońǵy 10 aıdyń ishinde elordaǵa kelgen 76 myńǵa jýyq shetel azamaty tirkelgen. 169 kásiporynda jumys isteýge 7000 sheteldik ruqsat alǵan. Bul týraly Astananyń resmı saıtynan habarlandy.
«Astanaǵa 76 myńdaı shetel azamaty kelgen. Onyń ishinde 15 000 alys shetelden kelgen azamattar. Kóbinese jeke saparmen, saıahatqa kelip jumys isteıdi. Al, zań boıynsha olaı bolmaýy kerek. Olar 5 jyldyń ishinde Astana túgili Qazaqstanǵa da kire almaıdy. Biz zańsyz kelýshilerdiń bir tobyna osyndaı ákimshilik jaza qoldandyq», - dedi Astana qalasy ІІD Kóshi-qon polıtsııasy basqarmasy basshysynyń orynbasary Oral Ádilbaev. On aıdyń ishinde kóshi-qon týraly zańdy buzǵan 6 myńnan astam jaǵdaı anyqtalyp, 193 shetel azamaty elden shyǵarylǵan. Al, 91-i qylmystyq jaýapkershilikke tartylǵan. Jumys izdep kelýshilerdiń kóbi TMD elderinen saparlaıdy eken. Olardyń basym kópshiligi qurylysta, saýda-sattyq pen halyqqa qyzmet kórsetý salalarynda nápaqa tabady.
