Sońǵy málimetter boıynsha, Batys Vırgınııada shahtada jarylys boldy
ASTANA. Sáýirdiń 6-sy. QazAqparat - Sońǵy málimetter boıynsha, Batys Vırgınııada shahtada bolǵan jarylystyń saldarynan 25 adam qaza tapty.
Oqıǵa Batys Vırgınııanyń ortalyǵy - Charlston qalasynyń ońtústigine qaraı 48 shaqyrym jerdegi shahtada bolǵan. Bul osy shahtada 1984 jyldan beri oryn alǵan eń úlken jarylys, dep habarlaıdy Associated Press.
Tórt kenshi iz-túzsiz joǵalǵandar sanatynda, qutqarý jumystary ýaqytsha toqtatyldy. Jarylystyń sebebi týraly ázirge eshteńe habarlanǵan joq. Keıbir derekózder metan gazynyń jarylýy múmkin ekenin habarlaýda.
