Sońǵy qońyraý - jarqyn bolashaqqa bastaý bolsyn! - mınıstr Aslan Sárinjipov
ASTANA. QazAqparat - Búgin, 25 mamyr kúni elimizdiń barlyq mektepterinde saltanatty túrde dástúrli «Sońǵy qońyraý» sharalary ótýde.
Osy oraıda QR Bilim jáne ǵylym mınıstri Aslan Sárinjipov 2014 jyly mektepti támamdaǵan elimizdiń túlekterine arnaıy quttyqtaýyn joldady.
«Merekelerińiz qutty bolsyn! Mektep bitirý - adam ómirindegi eń úlken, eń jaýapty qadam. Osy qadamdaryńyz sátti bolsyn! Ulttyq biryńǵaı testileýdi jaqsy tapsyryp, ózderińiz qalaǵan oqý ornyna túsip, el ıgiligi úshin qyzmet etetin maman bolýlaryńyzǵa tilektespin! Sońǵy qońyraý - alǵashqy iri jetistikke jetkizsin! Sáttilik pen jaqsylyq tileımin!»,-deıdi mınıstr óz quttyqtaýynda.
Atap aıtqanda, bıyl Qazaqstanda 134 648 oqýshy mektep bitiredi.
Mınıstrlik málimetinshe, UBT ótkizýge arnalǵan 154 pýnkt daıyndalýda. Bul jerlerde synaqty uıymdastyrý jáne ótkizý boıynsha memlekettik komıssııalar quryldy.
«Oqýshylardyń 72 paıyzy UBT-ǵa qatysady dep boljanýda, bul shamamen 92 077 túlek», - delingen QR BǴM habarlamasynda.
UBT formaty ózgerissiz qalyp otyr. Qazirgi ýaqytta barlyq aımaqtarda oqytýshylar men ata-analar arasynda túsindirý jumystary júrgizildi. Aqparattandyrý jumystary qalalyq jáne aýyldyq mektepterdiń qatysýymen onlaın rejiminde uıymdastyrylýda. 2014 jylǵy Ulttyq biryńǵaı testileý 2-9 maýsymda ótkizilip, al 9-15 maýsym aralyǵynda apellıatsııalyq shaǵymdaný kezeńi júrgiziledi.
