Sońǵy qońyraý: Saryaǵashta ereje buzǵan 27 júrgizýshiniń kóligi aıypturaqqa qoıyldy
TÚRKІSTAN. QazAqparat - Túrkistan oblysynyń Saryaǵash aýdanynda sońǵy qońyraý kúni jol erejesin buzǵan 27 júrgizýshiniń kóligi aıypturaqqa qoıyldy. Eki kúndik reıd kezinde júrgizýshi kýáligi joq jasóspirimder kólik júrgizgeni anyqtalyp, olarǵa qatysty ákimshilik hattama toltyrylǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, «Jas túlek-2020» merekelik sharalary kezinde ýchaskelik polıtsııa ınspektorlary men ıývenaldy polıtsııa tobynyń ınspektorlary kúndiz jáne túnde reıd júrgizdi.
Profılaktıka jumysy barysynda kólik jaldap sherý uıymdastyrǵan, júrgizýshi kýáliginsiz kólik basqarǵan jasóspirimder anyqtalǵan. 25 kólikti tizgindeýshi túrli quqyqbuzýshylyq jasap, jol qaýipsizdigi erejesin saqtamaǵany úshin ákimshilik shara qoldanylyp, QR ÁQBtK-niń bes baby boıynsha hattamalar toltyrylǵan.
Al, túlekterge kóligimen qyzmet kórsetken júrgizýshilerge túsindirý jumysy júrgizildi. Sonymen qatar, túngi reıd barysynda túnde saǵat 23:00-den keıin júrgen 9 jasóspirim anyqtalyp, olardyń ata-anasyna da ákimshilik hattama toltyryldy.
