Sońǵy kezderi edáýir qymbattap ketken munaı baǵasy tústi

NUR-SULTAN. QazAqparat – Brent markaly munaıdyń baǵasy beısenbi kúni barreline 107,06 dollarǵa deıin arzandady, dep habarlaıdy QazAqparat Anadoly agenttigine silteme jasap.

Sársenbi kúni bolǵan sońǵy saýdada bul munaı markasynyń barreli 114,80 dollarǵa jetip, saýda 111,44 dollarmen aıaqtaldy.

31 naýryz tańǵy saǵat 09:12-degi jaǵdaı boıynsha, qymbat munaı markasynyń baǵasy 4 paıyzǵa arzandap, barreli 107,06 dollar bolǵan.

WTI markaly munaı fıýchersteriniń quny barreline 102,58 dollar boldy.

Baǵanyń tómendeýine AQSh-tyń aldaǵy aılarda strategııalyq munaı qorynyń 180 mıllıon barrelin satý jospary áser etti.

AQSh prezıdenti Djo Baıden munaı satý týraly 31 naýryz, beısenbi kúni málimdeıdi dep habarlanǵan.

Sarapshylardyń pikirinshe, munaı qorynyń kóp mólsherin satý baǵanyń ósýin belgili bir ýaqytqa deıin tıimdi túrde shekteýi múmkin.

Halyqaralyq energetıkalyq agenttik juma kúni munaı tasymaldaý máselesin talqylaý úshin kezekten tys mınıstrlik jınalysyna shaqyrdy. Osyǵan oraı, jınalysta qorlardy satý týraly sheshim qabyldanýy múmkin degen úmit artty. Atalǵan jaǵdaı munaı baǵasynyń tómendeýine áser etip otyr.

Búgin ótetin munaı eksporttaýshy elder (OPEK) mınıstrleriniń jáne OPEK-ke kirmeıtin elderdiń 27-shi kezdesýinde top óziniń qazirgi óndiristik saıasatyn ustanady dep kútilýde.