Sońǵy fıtnes-test nátıjeleri boıynsha ulttyq qurama oıynshylarynyń kúsh-qýat deńgeıi ózgermegen
ALMATY. Tamyzdyń 5-i. QazAqparat /Erbol Turymbetov/ - Sońǵy júrgizilgen fıtnes-test qorytyndylary boıynsha, qurama sapyndaǵy oıynshylardyń kúsh-qýat deńgeıi burynǵysynsha, ózgermegen. Ony búgin fýtboldan Qazaqstan ulttyq quramasynyń bas bapkeri Bernd Shtork jýrnalısterge bergen suhbatynda aıtty,
dep habarlaıdy QazAqparat.
Onyń málimdeýinshe, quramadaǵy birer oıynshylar ǵana óz kórsetkishin joǵarylatqan. Al 11-shi tamyzda Oman quramasymen ótetin oıynda negizinen shabýyldan góri qorǵanysqa kóp kóńil bólinedi. Sebebi, komanda oıynshylary budan keıingi Túrkııa quramasymen oıynǵa daıyn bolýy kerek.
«Bunyń aldynda Ekvador quramasyna qarsy oıyn ótkizemiz dep oılaǵanbyz. Qarsylastyń kezdesýge az ýaqyt qalǵanda oıynnan bas tartýyna baılanysty, Oman quramasymen kúsh synasýǵa bel býdyq. Biraq bul komanda týraly bizde málimet az. Sondyqtan, maqsatymyz jankúıerlerge jaqsy oıyn órnegin kórsetý», deıdi bapker.
Aldaǵy Oman quramasymen joldastyq kezdesýde Qazaqstan quramasy sapyndaǵy Fınonchenko men Grıgorenko jaraqatyna baılanysty alańǵa shyqpaıdy. Olardyń ornyna Maltsev pen Shabanov shaqyrylǵan.
