Sońǵy eki jylda Qazaqstanda qansha balalar úıi jabylǵany belgili boldy

ASTANA. QazAqparat - Búginde elimizde jetim jáne ata-anasynyń qamqorlyǵynsyz qalǵan balalar sany - 29 myń 666 bala. Bul týraly «QazAqparattyń» resmı saýalyna jaýap bergen QR BǴM Balalardyń quqyqtaryn qorǵaý komıtetinen habarlandy.

«Olardyń ishinde qazaqstandyq azamattardyń otbasylarynda 19 761 bala tárbıelenýde, patronattyq tárbıede - 1839 bala bar. Ata-anasynyń qamqorlyǵynsyz qalǵan 8 066 bala tolyq memlekettiń qamqorlyǵynda. Sonyń arasynda  6436 bala bilim berý júıesindegi 106 balalar úılerinde tárbıelenýde. 828 bala densaýlyq saqtaý júıesindegi 23 sábıler úılerinde, al  802 bala halyqty áleýmettik qorǵaý júıesindegi 17 múgedekterge arnalǵan úılerde tárbıelenýde», - delingen komıtet málimetinde.

Atap aıtqanda, 2015 jyly jetim balalar men ata-anasynyń qamqorlyǵynsyz qalǵan balalardy tárbıeleıtin uıymdar 42 birlikke qysqardy, sondaı-aq 2016 jyldyń 9 aıynda osyndaı 6 uıym jabyldy.