Sońǵy eki jylda 10 ınspektor brakonerlikpen ustaldy - vıtse-mınıstr

NUR-SULTAN. QazAqparat - QR Ekologııa, geologııa jáne tabıǵı resýrstar vıtse-mınıstri Erlan Nysanbaev qazaqstandyq qoryqshylar arasyndaǵy brakonerlik oqıǵalary týraly aıtyp berdi, dep habarlaıdy QazAqparat tilshisi.

«Mundaı faktiler kezdesedi. Máselen, ótken jyl men bıylǵy 9 aıda 10 oqıǵa tirkelgen. Olardyń barlyǵy boıynsha sot otyrysy ótip, úkim shyqty. Sońǵy fakti boıynsha qyzmettik sharalar júrip jatyr. Sot sheshimin kútip otyrmyz», - dedi Erlan Nysanbaev Ortalyq kommýnıkatsııalar qyzmetinde ótken baspasóz máslıhatynda.

Sonymen birge, vıtse-mınıstr Qazaqstanda tabıǵatty qorǵaý ınspektorlaryna biliktilik talaptary kúsheıetinin jetkizdi.

«Barlyq jerde jaǵymsyz jaıttar bolyp turady. Sondyqtan, ınspektor laýazymyna jumysqa qabyldaıtyn kezde biliktilik talaptaryn kúsheıtemiz», - dedi Erlan Nysanbaev.