Sońǵy eki táýlikte Aqtóbede koronavırýs ınfektsııasy tirkelgen joq

AQTÓBE. QazAqparat – Aqtóbe oblysynda barlyǵy 27 adam indetke shaldyqqan bolatyn. Sońǵy eki táýlikte bul kórsetkish ózgermedi, dep habarlaıdy QazAqparat tilshisi.

Aqtóbe oblysy ákimi janyndaǵy jedel shtab málimetine súıensek, óńirde epıdemıologııalyq jaǵdaı turaqty.

«Búgingi kúni koronavırýs ınfektsııasy 27 adamda anyqtalǵan. Onyń ishinde 11 naýqas emdelip, úıine qaıtaryldy. Qazir 14 naýqastyń jaǵdaıy qanaǵattanarlyq, bireýinde ortasha aýyr, bireýiniń jaǵdaıy aýyr. Statsıonarlyq karantınde 347 adam bar. Onyń ishinde 245-i Aqtóbe qalasynda, 102-i aýdandarda. Call-ortalyqqa turǵyndar tarapynan 12 400-den astam suraq tústi. Suraqtardyń barlyǵy jaýapty memlekettik organdarǵa shara qabyldaý úshin joldandy. Psıhologııalyq kómek beretin «Jedel jelige» suraq tústi. Barlyǵyna keńes berildi», - dep habarlady jedel shtab.

Aıta keteıik, oblys ákiminiń birinshi orynbasary Nurjaýǵan Qalaýov pen oblystyq polıtsııa departamenti basshysynyń birinshi orynbasary Qanat Alıev karantın talaptarynyń saqtalýyn tekserdi.

Reıd barysynda birneshe adam ákimshilik jaýapqa tartyldy. Tótenshe jaǵdaı engizilgennen beri 709 tártip buzý faktisi tirkeldi. Onyń ishinde 174 adam qamaldy, 216 adamǵa aıyppul salyndy.