Sońǵy eki kún ishinde Almaty - Tashkent kúre jolynda bolǵan kólik apattary 6 adamnyń ómirin qıyp ketti
ASTANA. Qarashanyń 17-si. QazAqparat - Qarashanyń 15-i kúni Jambyl oblysynda oryn alǵan kólik apatynan úsh adam kóz jumdy,
dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.
Oqıǵa keshki 20.30 shamasynda Jýaly aýdanyndaǵy Almaty - Tashkent kúre jolynda bolǵan. «Aýdı» jáne «Folksvagen» avtokólikteriniń soqtyǵysýynan «Aýdı» kóliginiń júrgizýshisi men onyń jolaýshysy jáne «Folksvagen» jolaýshysy oqıǵa ornynda jan tapsyrdy. Jeti adam túrli jaraqattarmen aýrýhanaǵa jetkizildi.
Keshe atalmysh oblystyń Jambyl aýdanyndaǵy osy Almaty - Tashkent kúre jolynda taǵy úsh adam opat boldy. «Mersedes» kóligi úsh jaıaý júrginshini qaǵyp ketken.
